Min doaibma
Olmmošvuoigatvuođa instituhtta lea iešheanalaš eiseváldi ja sin bargočilgehus lea viiddis ja sin ovddasvástádus lea ovddidit olmmošvuoigatvuođaid doahttaleami ja suddjema Ruoŧas.
Min višuvdna, strategiija ja ulbmil
Višuvdna: Min višuvdna lea okta servvodat gos juohkehaš dovdá ahte sin olmmošvuoigatvuođat ollašuhttojuvvot.
Bargu: Instituhta barggu ulbmil lea ahte Ruoŧŧa galgá doahttalit, suddjet ja ollašuhttit olmmošvuoigatvuođaid. Min instituhtas lea fápmu ja instituhtta lea duostil. Min bargu lea jáhkehahtti ja mii bargat iešheanalaččat. Mii čađahit min doaimma ságastallamiid ja ovttasbargguid bokte siviila servvodagain ja eará doaimmain.
Strategiijalaš ulbmilat:
- Eanet fuomášupmi ja beroštupmi olmmošvuoigatvuođaide.
- Juohkehaš sáhttá gáibidit iežas vuoigatvuođaid.
- Almmolaš Ruoŧŧa váldá ovddasvástádusa.
- Okta iešheanalaš ja beaktilis instituhtta.
Olmmošvuoigatvuođa instituhtta ásahuvvui 1.b ođđajagemánu 2022 olmmošvuoigatvuođa instituhtta lága bokte.
Min barggu vuolggasadji lea:
- Ruoŧa vuođđolágat (ráđđehusvuogádat, prentenfriddjavuođalága ja sátnefriddjavuođa vuođđolága)
- Eurohpalaš konvenšuvdna olmmošvuoigatvuođa suoji birra (EKMR)
- ON:a konvenšuvnnat eará olmmošvuoigatvuođa šiehtadusaid birra maid Ruoŧŧa lea vuolláičállán.
Min doaibma lága jelgii
Olmmošvuoigatvuođa instituhta láhka mearrida min barggu rámmaid. Min mearridit ieža min háltti ja min doaimmaid daid rámmaid siskkobealde. Ráđđehus ja riikabeaivi eai sáhtte addit midjiide eanet doaimmaid.
Lága jelgii mii galgat:
- Čuovvut, dárkkistit ja raporteret olmmošvuoigatvuođaid doahttaleami Ruoŧas.
- Evttohit doaibmabijuid ráđđehussii buoridan dihte olmmošvuoigatvuođa suoji.
- Oassálastit gaskariikkalaš ovttasbargguin ja doallat oktavuođa gaskariikkalaš organisašuvnnaiguin.
- Ovddidit oahpahusa, dutkama, gelbbolašvuođaovdáneami ja lasihit fuomášumi olmmošvuoigatvuođaid birra.
- Jahkásaččat addit raporta ráđđehussii. Dan raporttas mii čilget olmmošvuoigatvuođaid dili, got dat leat ovdánan Ruoŧas jagi mielde ja maiddai addit ávžžuhusaid got sáhttá nannet boađáhaga vuoigatvuođaide.
Mii eat dutká oktagas loavkašuhttin ilmmuhusaid. Muhto min ságastallan vuoigatvuođaguoddin lea guovddážis go galgat addit evttohusaid got olmmošvuoigatvuođaid sáhttá nannet duohtavuođas.
Ahte min doaibma lea lágas ásahuvvon- ja sáhttá dušše rievdaduvvot riikkabeaivvemearrádusa bokte- addá midjiide iešheanalaš ja buorre vuođu min bargui olmmošvuoigatvuođaid váras. Min iešheanalašvuohta lea dehálaš- dat addá fámu ja friddjavuođa dárkkistit stivrrejeaddjiid. Ráđđehus ja eará beroštumit eai sáhte min váikkuhit.
Erenoamáš ovddasvástádus doaibmavádjit olbmuid vuoigatvuođaid ovddas
Olmmošvuođa instituhtas lea erenoamáš doaibma ovddidit doaibmavádjit olbmuid vuoigatvuođaid ja dárkkistit got Ruoŧŧa ollašuhttá doaibmavádjitvuoigatvuođa konvenšuvnna. Mis lea dát doaibma go mii leat Ruoŧa iešheanalaš instánsa mii čilgejuvvo artihkkalis 33.2 ON: a doaibmavádjit olbmuid vuoigatvuođaid konvenšuvnnas.
Doaibmavádjitvuoigatvuođa konvenšuvnnas, artihkkalis 33.2, čilgejuvvo ahte juohke riikkas, mii lea vuolláičállán konvenšuvnna, galgá leat okta dahje máŋga instánssa mat vákšot got riika ollašuhttá konvenšuvnna. Dat instánssat galget leat iešheanalaččat ja ovttasbargat doaibmavádjit olbmuiguin ja doaibmavádjit olbmuid organisašuvnnaiguin.
Min bargu doaibmavádjitvuoigatvuođain
Iešheanalaš Paris vuođđojurdagiid jelgii
Okta dehálaš ulbmil min doaimmain lea ahte Ruoŧas galgá leat našuvnnalaš olmmošvuoigatvuođa institušuvdna mii ollašuhttá Parisa vuođđojurdagiid, ON:a gaskariikkalaš njuolggadusat got dakkár institušuvnnat galget doaibmat.
Olmmošvuoigatvuođa institušuvdna lea Parisa vuođđojurdagiid jelgii:
- okta iešheanalaš institušuvdna, mii lea sirrejuvvon ráđđehusas
- institušuvdna mas lea čielga doaibma lágas
- institušuvdna mii bargá máŋgga áššiin olmmošvuoigatvuođa duovdaga siste
- institušuvdna mas lea viiddis ovddasteapmi siviila servvodagas
- institušuvdna mii geavaha beaktilis ja iešheanalaš bargovugiid.
Golggotmánu 2024 rájis mis lea A- árvodássi. Dat lea dat buot alimus dohkkehandássi maid okta našuvnnalaš olmmošvuoigatvuođa institušuvdna sáhttá oažžut ja mearkkaša ahte mii čuovvut Parisa vuođđojurdagiid. Dat mearkkaša maid ahte mii leat ollislaš miellahtut máilmmiviidosaš ovttastusas GANHRI ja mis lea maid jienastanriekti ovttastusas.
91 riikkain leai 2025 našuvnnalaš MR- institušuvnnat mat ollát ollašuhttet Parisa vuođđojurdagiid. ON ávžžuha buot riikkaid ásahit dakkár iešheanalaš institušuvnna.
Loga eanet Parisa vuođđojurdagiid ja A- árvodássi birra (på svenska)
Lágat
- Láhka olmmošvuoigatvuođa instituhta birra
- Ruoŧa vuođđolágatLiŋka eará neahttasiidui. External link. (ráđđehusvuogádat, prentenfriddjavuođalága ja sátnefriddjavuođa vuođđolága)
- Eurohpalaš konvenšuvdna olmmošvuoigatvuođa suoji birra (EKMR)
- Artihkal 33.2 ON:a doaibmavádjit olbmuid vuoigatvuođaid konvenšuvnnas.
- Eanet olmmošvuoigatvuođa konvenšuvnnat
Hjälpte informationen dig?
Vi vill gärna veta vad du tycker om vår webbplats! Skriv gärna din feedback nedan. Men vi kan inte svara på frågor här. Har du en fråga om webbplatsen? Kontakta oss via e-post på webbredaktion@mrinstitutet.se.
Skriv ut